Ola Juan. Esta pregunta é obrigada:
que tipo de ruta prefires?
Calquera, eu con tal de ir coa xente
atópome moi ben. Menos brandas, gústanme todas
Resume en poucas palabras qué
significa para ti o sendeirismo?
(Ri) A liberdade do camiño verdadeiro
en compaña de seres humanos moi especiais.
Segundo ti, cales
serían as calidades de un bo senderista, tendo en conta a familiaridade que
nos caracteriza no eido deportivo?
Ten que ser unha
persoa con moita calidade humana, que sexa capaz de pensar noutras persoas
ademais de si mesmo, que José Luis Sampedro signifique algo máis que un simple
escritor, e que teña un pouco de revolucionario, que loite pola súa familia e
que non lle asusten as novidades, coñecer novos mundos e novas persoas. En
definitiva, que sexa xente capaz de atoparse a gusto nas rutas de Amodiño.
Canto tempo levas adicándote ao
sendeirismo e por que comezaches?
Oficialmente levo máis de doce anos
pero penso que sempre me gustou ata cando era pequeño, e animeime porque cando
se organizou o vin moi claro. Todo isto o soñei.
Que pensas acerca do sendeirismo e a
sensibilización pola natureza na nosa terra.
Penso que hai moito que facer e penso
que cada vez hai máis xente que queremos que a natureza se respecte. Pero aínda
teriamos que ser moitos máis. Confío no ser humano. Creo que gañaremos os que
defendemos a natureza, pero coido que hai moitos que no lo han poñer moi
difícil.
Se tiveses que elixir un lugar no
mundo para camiñar... cal sería?
A volta a Galicia en 80 días.
Fuches o principal impulsor dunha
idea que aínda non tiña nome. Que foi o que te levou a apostar pola creación de
Amodiño?
Xa tiñamos os senderistas, tiñamos o
espírito, tiñamos todo, o único que había que facer era transformalo nun feito.
Fálanos dun soño para o Club
Deportivo Amodiño.
Ir a Brasil a facer sendeirismo no
Macizo do Pau, coincidindo co “carnaval”
A curto prazo, seriamos capaces de
organizar outras actividades deportivas (pilates, ioga, ximnasia...)?
Eu
penso que si. Está nas nosas mans.
Unha das cousas máis urxentes para o
noso Amodiño sería ter unha canción de referencia. Ti que es moi bo nos temas
de composición e música, serías capaz de preparala?
Home, quen de
preparala sei que si. Pero preciso o apoio da xente. Teño moitas ideas na
cabeza, pero necesito o apoio da xente para que me inspire.
Un socio
senderista do que non podo revelar o nome, suxeriu a idea e facer unha ruta
naturista con final nunha praia nudista. Ti como presidente do Club Deportivo
Amodiño, que opinas?
O que a
queira realizar, paréceme ben. Eu teño moita vergoña, non me atrevo.
Que che
parece a idea de instaurar un carné de socio por puntos?
(Ri) Paréceme
estupendo, para os que cheguen tarde á hora de xuntarnos no autobús, para os
que adianten ao guía, aos que querendo axudar lesionan aos sendeiristas...
Un segredo
confesable.
Traballando
para o Club Deportivo Amodiño son feliz.
No hay comentarios:
Publicar un comentario