RUTA POLOS ANCARES
Os Ancares constituen o límite natural entre Galicia e León e están delimitados polos ríos Navia, no lado galego e polo Sil na parte leonesa.
É una rexión montañosa con altitudes de ata 2.000 metros, literalmente bañada por ducias de ríos e regatos, prácticamente inalterada, ofrecendo un xeito de coñecer cómo era a vida das xentes non fai moitos anos.
Atoparemos lugares e aldeas, caseque sen xente, que conservan aquel “toque” que te leva a gozar dunha natureza sen contaminacións……..
Serán arredor de 10 quilómetros de dificultade baixa, con algún tramo por pista asfaltada (se non hai moita auga o tramo asfaltado será doado de facer).
Partindo de Piornedo, emblemático pobo dos Ancares galegos, onde poderemos visitar alguna das pallozas-museo na que a xente vivía ata fai moi pouco tempo. Rodeados deses montes e montañas colléremos camiño cara a Suárbol, pobo leonés nalgún tempo deshabitado, que hoxe pervive polo amor á terra de xentes orgullosas do seu. Seguiremos despois cara a Moreira, outro deses lugares coas súas pallozas (algunha co teito metálico -habería que verse no pelexo do propietario cando neva e estás a 7 ou 8 graos baixo cero), perdido no corazón da montaña luguesa.
En todo o noso camiñar veremos renombrados montes e montañas…, Mustallar, Cuiña, Pena Longa.
É una oportunidade de coñecer algo realmente sensacional que, estando tan perto, nin imaxinamos.
E xa de remate indicar que estaremos no corazón do concello de Cervantes onde ao parecer tivo o seu orixe o autor de D. Quijote de La Mancha.
Ao remate do correo poderedes ver unas fotos e máis un resumo sobre a posible orixe galega de Don Miguel de Cervantes Saavedra.
Será fantástico.
Apertas. Ricardo Rodríguez de Castro.
